فیصل آباد(پاکستان نیوز پوائنٹ 2 نومبر2016ء) الیکشن کمیشن آف پاکستان یکم دسمبر خمیس کوںتھیونڑ آلے صوبائی اسمبلی دے حلقہ پی پی 78 جھنگ دے ضمنی الیکشن اچ سرکاری ،فوجی اتے عوامی دفتراں دے ملازماں اتے ٹبر کوں پوسٹل بیلٹ دا حق ڈیندے ہوئیں16 نومبراتے الیکشن ڈیوٹی کرنڑ آلے پولیس اتے الیکشن کمیشن ملازماں کوں 20 نومبر تئیں ریٹرننگ افسر /ڈسٹرکٹ الیکشن کمشنر جھنگ تنویر الحسن ڈے درخواستاں جمع کراونڑ دا نوٹیفکیشن جاری کرڈتا ہے۔
الیکشن کمیشن دے ترجمان ڈسایا ہے جو درخواست فار م ریجنل الیکشن کمیشن آفس فیصل آباد اتے ریٹرننگ افسر پی پی 78جھنگ دے دفتر اچ دستیاب ہوسن ۔انہاں آکھیا جو او رجسٹرڈ ووٹرز جیرھے پی پی 78توں باہر ڈیوٹی کریندے ہن انہاں دے ٹبر تے انہاں دے نال رہائش پذیر ہن متعلقہ محکمے توں منظوری دے بعد ریٹرننگ افسر دے دفتر توں مخصوص درخواست فارم حاصل کرتے متعلقہ تاریخ تئیں جمع کراون جڈاں جو درست درخواست دہندگان کوں ریٹرننگ افسر پوسٹل بیلٹ جاری کیتا ویسی جیں دے بعد ایجھے لو ک صرف بذریعہ ڈاک وی ووٹ کاسٹ کریسن جڈاں جو انہاں دا ذاتی طور تے ووٹ کاسٹ دا حق ختم کر ڈتا ویسی ۔
