کشمیر ہائی وے تے بین الاقوامی اسلامک یونیورسٹی دی بس کوں حادثہ،ہک بندہ ہلاک، 20 طالبات زخمی تھی گیاں

کشمیر ہائی وے تے بین الاقوامی اسلامک یونیورسٹی دی بس کوں حادثہ،ہک بندہ ہلاک، 20 طالبات زخمی تھی گیاں

اسلام آباد (پاکستان نیوز پوائنٹ 2 نومبر2016ء) کشمیر ہائی وے تے جی الیون سگنل تے بین الاقوامی اسلامک یونیورسٹی دی بس فٹ پاتھ نال ٹکراونڑ دی وجہ توں ہک بندہ ہلاک تے 20 طالبات زخمی تھی گیاں۔ پولیس اتے ریسکیو حکام دے مطابق بس اچ 50 توں ودھ طالبات سوار ہن جیرھا جو تکھی رفتار پاروں بس حادثے دا شکار تھی گی ،سیف سٹی پولیس ہائی وے تے نصب کیمرے دی مدد نال وختی پج گی تے ریکسیو ٹیماں امدادی کاروائیاں اچ حصہ گھدا ۔

پولیس دے سینئر حکام امدادی کماں دا جائزہ گھدا ۔بس دی ٹکر نال ہک موٹر سائیکل سوار علاﺅ الدین ودھ زخمی تھی گیا جیرھا جو ہسپتال ویندے ہی رستے ہی دم ڈے ڈتا ۔اسلامی یونیورسٹی دے حکام اے پی پی کوں ڈسایا جو بس حادثے اچ 20توں ودھ طالبات زخمی تھیاں ہن جنہاں دی حالت چنگی ہے ۔حادثہ بریک فیل ہوونڑ پاروں پیش آیا زخمیاں کوں وختی طور تے پمز ہسپتال پجا ڈتا گیا جنہاں کوں ابتدائی طبی امداددے بعد فارغ کر ڈتا گیا ۔اسلامک یونیورسٹی دے صدر ڈاکٹر احمد یوسف الدویش اتے ریکٹر ڈاکٹر معصوم یٰسین زئی ہسپتال پج تے زخمیاں دی خیر یت پچھی ،انہاں حادثے اچ جاں بحق تھیونڑ آلے موٹر سائیکل سوار دے ٹبر نال افسوس دا ظہار کیتا ۔