اسلام آباد (پاکستان پوائنٹ نیوز 04 دسمبر 2018ء) تجزیہ کاراں پاکستان دے نویں منصوبیاں اچ چین دی غیرمعمولی سرمایہ کاری دے منصوبے دی تعریف کیتی ہے۔ ”اے پی پی“ نال گالھ بات کریندے ہوئیں مرزا اختیار بیگ آکھیا جو چین پاکستان اقتصادی راہداری نال روزگار دےودھ سارے نویں مواقع ملسن اتے ملک اچ غربت مکاونڑ سانگے مدد ملسی۔انہاں آکھیا جو چین دے نویں منصوبیاں نال پاک چین اقتصادی راہداری دی اہمیت ودھسی اتے سی پیک تحت خصوصی اقتصادی زونز پاکستان دی صنعتی ترقی اچ اہم کردار ادا کریسن۔
ڈاکٹر شاہد حسن صدیقی آکھیا جو پاکستان اتے چین، سی پیک تحت سارے جاری ترقیاتی منصوبیاں کوں مقررہ مدت اندر مکمل کرنڑ سانگے پرعزم ہن۔ بریگیڈیئر (ر) حارث نواز آکھیا جو ارباں ڈالر دا ایہ منصوبہ کہیں ملک دے خلاف کائنی ہے بلکہ ایندا مقصد علاقائی تجارت، ترقی اتے خوشحالی کوں فروغ ڈیونڑ ہے۔
