حج دوران سعودی عرب اچ جاں بحق تھیونڑ آلے عازمین دے لواحقین کوں زر اعانت اداکرنڑ نامکمل کوائف پاروں دیر دا شکاردسمبر دی چھیکڑ تئیں کوائف مکمل کرتے ادائیگی کر ڈتی ویسی، وزارت مذہبی امور

حج دوران سعودی عرب اچ جاں بحق تھیونڑ آلے عازمین دے لواحقین کوں زر اعانت اداکرنڑ نامکمل کوائف پاروں دیر دا شکاردسمبر دی چھیکڑ تئیں کوائف مکمل کرتے ادائیگی کر ڈتی ویسی، وزارت مذہبی امور

اسلام آباد (پاکستان پوائنٹ نیوز 04 دسمبر 2018ء) حج 2018ءدوران سعودی عرب اچ جاں بحق تھیونڑ آلے عازمین دے لواحقین کو ںزر اعانت دی ادائیگی نامکمل کوائف پاروں دیر دا شکار ہے۔ وزارت مذہبی امور ذرائع ایں حوالے نال ”اے پی پی“ نال خصوصی گالھ بات کریندے ہوئیں ڈسایا جوحج 2018ءتوں پہلے اتے بعد اچ 118 پاکستانی مکہ مکرمہ اتے مدینہ منورہ اچ اللہ سائیں کوں پیارے تھی گئے۔

حج پالیسی 2018ءمطابق حج دوران حجاز مقدس اچ جاںبحق تھیونڑ آلے پاکستانی حاجیاں دے لواحقین کوں 5 لکھ روپے فی بندے دے حساب نال زر اعانت ڈیونڑ دا فیصلہ تھیا۔ وزارت مذہبی امور کنوں جیرھا بندیاں دے کوائف پج گئے ہن انہاں دی گول پھرول کیتی ویندی پی ہے ۔ایں حوالے نال ہنڑ تئیںتھیونڑ آلی تاخیر دے حوالے نال ہک سوال دے جواب اچ وزارت دے ذرائع دامو¿قف ہا جو فوت تھیونڑ آلے عازمین دے ریکارڈ اچ زر اعانت دے حوالے نال کہیں کوں نامزد ہی نی کیتا گیا۔ وزارت ایں حوالے نال کوائف کٹھے کرنڑ سانگے کوششاں کریندی پی ہے۔ امید ہے جو سارا کم دسمبر دے چھیکڑ تئیں مکمل کرتے مرحومین دے لواحقین کوں زر اعانت ادا کرنڑ دا کم مکمل کرگھدا ویسی۔