لاہور(پاکستان پوائنٹ نیوز 04 دسمبر 2018ء) موجودہ حکومت آبادی کوں کنٹرول کرنڑ اتے فیملی پلاننگ کوںمو ثر بناونڑ سانگے شادی شدہ جوڑاں دی ای رجسٹریشن دا نظام متعارف کروانڑویندی پی ہے۔انہاں خیالیں دااظہار صوبائی وزیر بہبود آبادی کرنل( ر) ہاشم ڈوگر محکمہ بہبود آبادی دے سینئر افسراں دے ہک وفد نال ملاقات اچ کیتا۔انہاں آکھیا جواتھاںپاکستان اچ ایجھا بے شمار شادی شدہ جوڑے موجود ہن جیرھا فیملی پلا ننگ سانگے راضی ہونڑ دے باوجودایں حوالے نال مکمل معلومات حاصل نی کرسگدے ۔
صوبائی وزیر آکھیا جو ای رجسٹریشن دے منصوبے سانگے 7کروڑ روپے دی منظوری ڈتی گی ہے اتے بہوں جلد ایندے تے کم شروع کیتا ویسی ۔انہاں آکھیا جو محکمے دی سوشل موبلائزرز ، فیملی ہیلتھ کلینکس اتے فیملی ویلفیئرسینٹرز تے کم کرنڑ آلے ورکرز کوں بیا متحرک کرنڑ دی ہدایات وی جاری کیتیاں ہن تاں جو ودھ توں ودھ لوکیں کوں ما نع حمل دے جدید طریقاں اتے انہاں دی افادیت توں متعلق ڈسایا ونج سگے۔
