اسلام آباد (پاکستان پوائنٹ نیوز 04 دسمبر 2018ء) وزیر مملکت داخلہ شہریار آفریدی آکھیے جو ماحولیاتی تبدیلیاں اتے پانڑیں دی گھٹکی دنیاداوڈامسئلہ بنڑ گئے، اساں ماحول ٹھیک نہ کیتا تاں قیمت چکاونڑیں پوسی، نویں پاکستان ا چ ہک ارب توں 10 ارب درخت لاتے ویندے پن، حکومت انساناں تے خرچ کریسی جیں نال خوشحالی اﺅسی۔ او منگل کو ںآئی ایم سی جی ایف سیون ٹو اچ منعقدہ سرسبز تے صاف اسلام آباد پروگرام تحت آئیڈیاز کمپیٹیشن دی تقریب نال خطاب کر یندے پئے ہن۔
ایں موقع تے انہاں آکھیا جو اساڈے نینگر باصلاحیت ہن اتے ایہ طے کیتے گئے اہداف کوں کامیابی نال حاصل کرنڑ اچ مددگار ثابت تھیسن۔ انہاں آکھیا جو اساڈی حکومت ملکی ترقی اتے چنگائی سانگے کم کر یندی پئی ہے، آونڑ آلا ویلھا خوشحال اتے ترقی گھن آوسی۔ انہاں آکھیا ج ہنڑوقت آگئے جڈاں اساں پوری دنیا اتے ماحول کوں ٹھیک کرنے، صاف ماحول اتے صاف پانڑیں اساڈی بنیادی ضرورت ہے، صفائی نصف ایمان ہے اتے اساکوں ترجیحی بنیادیں تے ملک اچ صفائی گھن آونڑیں ہے۔
وزیر مملکت برائے داخلہ شہریار آفریدی آکھیا جو اساڈے نینگر اساڈا سرمایہ اتے معاشرے دے اہم سٹیک ہولڈرز ہن۔ ماحولیاتی تبدیلیاں اتے پانڑیں دی گھٹکی دنیادے وڈے مسئلے بنڑ گن۔ انہاں آکھیا جوانسانیت دی قیمت تے طاقتور ملکاں دنیا تے مشینی اجارہ داری قائم کیتی،اساں مسلمان ہونڑ دے ناطے نال اپنڑیں بنیاد توں ہک پاسے تھی گئے ہسے، اگر اساں ماحول ٹھیک نہ کیتا تاں اساکوں ایندی قیمت ڈیونڑ پوسی۔
انہاں آکھیا جوتحریک انصاف خیبرپختونخوا اچ بلین ٹری منصوبہ شروع کیتا اتے ہنڑ نویں پاکستان اچ ہک ارب توں 10ارب درخت لاتے ویندے پن ۔ انہاں آکھیا جو ماضی اچ ہر پارٹی ملک دی بجائے اپنڑیں ذات بارے سوچیا۔ ماحولیاتی تبدیلی دی وجہ نال ملک اچ دسمبر اچ وی سردی نی تھی اتے مینھ وسدا پئے۔ انہاں آکھیا جو تحریک انصاف دی حکومت انساناں کوں اہمیت ڈیندی ہے اتے اوہ انہاں تے خرچ کریسی ،جیندی مدد نال ملک اچ خوشحالی آوسی۔
انہاں آکھیا جو مدرسیاں دے بالاں اتے پسماندہ طبقے کوں سہولتاں ڈیونڑ حکومت دی ذمہ داری ہے، علماءاتے مفتیاں کوں عزت ڈیونڑ دی ضرورت ہے۔ شہریار آفریدی آکھیا جو جنہاں بالاں تجویزاں ڈتیاں ہن انہاں کوں وزارت داخلہ اچ سڈیا ویسی۔ ایں موقع تےکمپیٹیشن اچ پہلی پوزیشن حاصل کرنڑ آلے روٹس سکول کوں30 ہزار روپے، ایف سیون ٹو کو ں ڈوجھی پوزیشن حاصل کرنڑ تے 20 ہزار روپے اتے ہوم اکنامکس کالج ایف سیون ٹو کوں تریجھی پوزیشن گھنڑ تے 10 ہزار روپے دا انعام ڈتا گیا۔
کمپیٹیشن اچ وفاقی دارالحکومت دے سکولاں اتے کالجاں دیاں طالبات حصہ گھدا۔ ایں موقع تے ماحولیات توں متعلق سٹالز وی لاتے گئے ہن۔ تقریب اچ سیکرٹری داخلہ میجر (ر) عظیم سلمان خان، آئی ایم سی جی ایف سیون ٹو دی پرنسپل دے علاوہ طالبات تے استاداں دی ودھ ساری تعداد شرکت کیتی۔
