ایڈز دے مریض نارمل زندگی گزار سگدن، بیماری دی تشخیص دا ٹیسٹ 15 منٹ اچ مکمل تھی ویندے، ڈاکٹر نیما سعید عابد

اسلام آباد (پاکستان پوائنٹ نیوز 30 نومبر 2018ء) پاکستان اچ عالمی ادارہ صحت دی نمائندہ ڈاکٹر نیما سعید عابد یوم انسداد ایڈز دے موقع تے آکھیے جو ایڈز بئی بیماریاں آلی کار ہک بیماری ہے اتے ایندے اچ مبتلا لوک نارمل زندگی گزار سگدن ۔ انہاں آکھیا جو ایڈز دا ٹیسٹ 15 منٹ اچ مکمل تھی ویندے اتے ایندے نتائج کو ں وی انتہائی خفیہ رکھیا ویندے۔ انہاں آکھیا جوپاکستان اچ آگاہی نہ ہونڑ دی وجہ نال لوکیں دی ودھ ساری تعداد کوں ا یہ پتہ ہی کائنی جو اوہ ایڈز جئی بیماری اچ مبتلا تھی گن۔

انہاں آکھیا جو ایڈز جئی بیماری توں بچنڑ سانگے بین الاقوامی سطح تے خاطر خواہ اقدامات کیتے ویندے پن اتے ہنڑ ایندے سانگے گھٹ دوائیاںکھاونڑ پوندیاں ہن اتے ہنڑ صرف ہک گولی کھاونڑ دی ضرورت ہے ۔ انہاں آکھیے جو پاکستان اچ ایڈز دے تحفظ دے حوالے نال عوام کوں ڈساونڑ دی ضرورت ہے تاں جو وختی اقدامات کر تے ایں بیماری توں بچیا ونج سگے ۔