اسلام آباد (پاکستان پوائنٹ نیوز 30 نومبر 2018ء) ٹریڈ ڈویلپمنٹ اتھاٹی آف پاکستان (ٹی ڈی اے پی) بنکاک تھائی لینڈ اچ منعقد تھیونڑ آلی پنج ڈینھاں دی عالمی نمائش ”سٹائل بنکاک 2019“ اچ شرکت سانگے 13 دسمبر 2018ءتئیں درخواستاں منگ گھدیاں ۔ ادارے توں جاری تفصیل مطابق نمائش 17 توں 21 اپریل 2019ءکوں بنکاک اچ منعقد تھیسی جیندے اچ سفری سامان، بیگز، جوتیاں، ملبوسات، کھیڈاں دا سامان، تحائف، گھریلو آرائش، کچن ویئرز ، کھلونے اتے فرنیچر سمیت دفتری استعمال دیاں مصنوعات وغیرہ تیار تے برآمد کرنڑ آلے ادارے شرکت کرسگسن۔
نمائش اچ شیک تھی تے انہاں کوں مصنوعات دی نمائش اتے کاروباری معاملات طے کرنڑ دا موقوع ملسی۔ عالمی تجارتی نمائش اچ شرکت نال قومی برآمدات دے ودھارے اچ وی مدد ملسی۔ ایں حوالے نال بئی تفصیل ٹی ڈی اے پی دی ویب سائٹ توں وی حاصل کیتی ونج جاسگدی ہے۔
