اسلام آباد (پاکستان پوائنٹ نیوز 30 نومبر 2018ء) پارلیمانی سیکرٹری برائے صحت ڈاکٹر نوشین آکھیے جو ایڈز توں بچنڑ سانگے عوام اچ آگاہی ڈیونڑ دی ودھ ساری ضرورت ہے،جیندے کیتے مذہبی رہنماواں دا کردار بنیادی اہمیت رکھیندے۔ ایڈزورگی جنسی موزی بیماری توں بچنڑ سانگے گالھ کرنڑ آلے لوک بہوں گھٹ ہن ۔ انہاں آکھیے جو جتھاں حکومتاں ایں سانگے قنون سازی کریسن ا وہ وی وڈا کم ہے لیکن ایندے نال نال اساکوں سارے طبقیاں کوں نال گھن تے ٹرن پوسی۔
انہاں آکھیا جو اساکوںلوکیں کوں ایں بارے شعور ڈینوڑ پوسی جو تھوڑی جی احتیاط نال ایں بیماری توں بچیا ونج جا سگدے ۔ایں مسئلے دے حل سانگے حکومتی سرپرستی بہوںضروری ہے۔ مقامی حکومتاں، مسیتاں دے امام، پرائمری ہیلتھ دے لوکاں کوں نال رلا تے شہریاں اچ بیماری توں بچنڑ سانگے شعور اجاگر کرسگدوںاتے حکومت ایں حوالے نال ہر ممکن اقدامات کریندی پی ہے۔
