اسلام آباد (پاکستان پوائنٹ نیوز 30 نومبر 2018ء) پاکستان پیپلز پارٹی دے رہنما سینیٹر رحمان ملک51 ویں یوم تاسسیس تے پارٹی کارکناں کوں مبارخباد پیش کریندے ہوئیں آکھیے جو پاکستان پیپلز پارٹی دے انہاں غیور جیالیاں کو ںسلام پیش کرینداں جنہاں ایں جدوجہد اچ اپنڑیاں جاناں قربان کیتیاں، ذوالفقار علی بھٹو دی سحرانگیز شخصیت دی وجہ نال نومولود پارٹی اپنڑے قیام دے ترائے چار سال بعد ہی اقتدار اچ آگی، پیپلز پارٹی غریب عوام مزدوراں تے کساناں کوں زبان ڈتی اتے انہاں کوں اپنڑے حقوق دا شعور ڈتا۔
جمعہ کو ںیومِ تاسیس دے حوالے نال انہاں اپنڑے ہک پیغام اچ آکھیے جو51 سال پہلے اج دے ڈینھ ذوالفقار علی بھٹو ایوب خان آمریت دے خلاف بغاوت کرتے پاکستان پیپلزپارٹی دی بنیاد رکھی۔ سینیٹر رحمان ملک آکھیا جو شہید ذوالفقار علی بھٹو اج وی دلاں تے حکمرانی کر یندے ہن۔شہید ذاولفقار علی بھٹو بھارتی ایٹمی خطرے دا ادراک کریندے ہوئیں جوہری پروگرام شروع کیتا۔
شہید ذوالفقار علی بھٹو ملک کو ںایٹمی طاقت بنڑ اتے ملکی دفاع کوں ناقابل تسخیر بنڑایا۔ انہاں آکھیا جوشہید ذوالفقار علی بھٹو کوں پاکستان کوں ایٹمی قوت بناونڑ دی سزا ڈتی گئی۔شہید بھٹو آکھیا ہو جو پاکستانی گھا کھا گھنسن اتے بھوکھا رہ گھنسن لیکن اپنڑاں بمب (ایٹم) حاصل کر تے راہسن۔ سینیٹر رحمان ملک آکھیا جو جمہوریت، آئین، ایٹمی طاقت تے ملک دی ناقابل تسخیر دفاعی صلاحیت پیپلز پارٹی دی مرہون منت ہے۔
شہید ذوالفقار علی بھٹو توں گھن تے پیپلز پارٹی دی قیادت کوں انتقام دا نشانہ بنڑایا ویندا رہیا۔ پیپلز پارٹی کوں ختم کرنڑ دی ہر کوشش ناکام رہی ہے اتے راہسی۔ سینیٹر رحمان ملک آکھیا جو مستقبل پیپلز پارٹی دا ہے، بلاول بھٹو زرداری ملک دے وزیراعظم ہوسن۔صرف بھٹو ورگا ہی کوئی ملک کوں موجودہ مسائل توں کڈھ تے ترقی دی راہ تے گامزن کر سگدے۔
