اسلام آباد (پاکستان پوائنٹ نیوز 30 نومبر 2018ء) پورے ملک اچ ایڈز دا اعلمی ڈینھ اج یکم دسمبر کوں چنگے طریقے نال منایا ویسی ۔ایں موقع تے ایڈز دے خاتمے ، مذکورہ مہلک مرض بارے عوامی شعور بیدار کرنڑ سانگے عالم ادارہ صحت ، انٹی ایڈز سوسائٹی آف پاکستان ، حکومت پاکستان ، ہیلتھ ڈیپارٹمنٹ پنجاب ، پاکستان میڈیکل ایسوسی ایشن ، اسلامک میڈیکل آرگنائزیشنز سمیت کجھ سرکاری تے غیر سرکاری تنظیماں دی سانجھ نال وفاقی دارالحکومت دے نال ڈویژنل تے ضلعی ہیڈ کوارٹر تے واکس کرائیاں ویسن تے ہیلتھ سیمینار ،کانفرنساں ،ورکشاپاں ،مذاکرے کرائے ویسن تاں جو عوام کوں ایڈز دے مرض دی ایندی وجہ ،ابتدائی علامات علاج معالجے بارے ڈسایا ونج سگے ۔
ایں موقع تے الیکٹرانک میڈیا تے وی عوامی شعور بیداری سانگے خصوصی پروگرام نشر کیتے ویسن ۔ نیشنل ایڈز کنٹرول پروگرام پاکستان دے ذرائع ڈسائے جو پاکستان اچ ایںوقت ایڈز دے مریضاں دی تعدادہک لکھ توں ودھ گی اے جڈاں جو پوری دنیا اچ ایڈز دے مریض 3کروڑ 50لکھ توں ودھ گن۔
