اسلام آباد (پاکستان پوائنٹ نیوز29 نومبر2018ء) بجلی دی پیداوارکوں فرنس آئل دی بجائے آرایل این جی تے منتقل کرنڑ دے بعد ملک اچ پیٹرولیم مصنوعات دی وکامت اچ گھٹکی تھی ہے۔پیٹرولیم مصنوعات دی وکامت دے حوالے نال دستیاب اعدادوشما رمطابق رواں جاری سال دے پہلے چارمہیناں اچ ملک اچ فرنس آئل اتے ہائی سپیڈ ڈیزل دی وکامت اچ بالترتیب 68 اتے 17 فیصد گھٹکی ڈیکھنڑ اچ آئی ہے۔
شعبے دے ماہرین مطابق بجلی دی پیداواری فرمز اتے بئے متعدد پیداواری یونٹس کوں فرنس آئل دی بجائے آرایل این جی تے منتقلی دے بعد توں گھن تے ہنڑ تئیں پیٹرولیم مصنوعات دی وکامت اچ گھٹکی واقع تھیندی پی ہے۔ایندے علاوہ پیٹرولیم مصنوعات دیاں قیمتاں اچ اتارچڑھاﺅ ایران توں پیٹرولیم مصنوعات دی سمگلنگ وی پیٹرولیم مصنوعات دی وکامت اچ گھٹکی دی وجوہات اچ شامل ہے۔اعداد وشمار مطابق مالی سال دے پہلے چارمہینے اچ ملک اچ فرنس آئل دی درآمد اچ وی گزریل سال دے ایں عرصے دے مقابلے اچ گھٹکی واقع تھی ہے۔
