انکم ٹیکس گوشوارے جمع کراونڑ دی (اج)چھیکڑی تریخ ہے، ایف بی آر اپنڑیں سارے دفتراں اچ خصوصی انتظامات کر گھدن

اسلام آباد (پاکستان پوائنٹ نیوز29 نومبر2018ء) انکم ٹیکس گوشوارے جمع کراونڑ دی (اج) جمعہ30 نومبر چھیکڑی تریخ ہے۔ ایف بی آر ٹیکس گوشوارے جمع کراونڑ آلیاں دی سہولت سانگے اپنڑیں سارے دفتراں اچ خصوصی انتظامات کیتے ہوئے ہن۔ ایف بی آر ذرائع مطابق انکم ٹیکس گوشوارے جمع کراونڑ آلیاں دا ناں فوری طورتے ایکٹو ٹیکس پیئر لسٹ اچ شامل تھی ویسی۔ کہیں وی مالیت دی غیر منقولہ جائیداد خریدن تے انہاں سانگے کوئی پابندی کائناں ہوسی اتے نان فائلر دی نسبت ادھ ود ہولڈنگ ٹیکس ڈیونڑ پوسی، جڈاں جو نان فائلر ہونڑ دی صورت اچ ڈیڈھ توں ڈو گنا ودھ ود ہولڈنگ ٹیکس ڈیونڑ پوسی۔

اوہ50 لکھ توں ودھ دی جائیداد کائناں گھنسن ۔ ایندے علاوہ وی نان فائلر کوں مختلف ادائیگیاں اچ فائلر دی نسبت ودھ رقم ادا کرنڑ پوسی۔ ایف بی آر ٹیکس دہندگان کو ں آکھیے جواوہ وختی اپنڑیںٹیکس گواشوارے جمع کروا تے ذمہ داری شہری ہونڑ دا ثبوت ڈیون۔