اسلام آباد (پاکستان پوائنٹ نیوز28نومبر2017ء) وزیراعظم عمران خان دی خصوصی ہدایت تے وفاقی وزیر اطلاعات تے نشریات چوہدری فواد حسین دی نگرانی اچ وزارت اطلاعات تے نشریات وزیراعظم دے10ڈینھاں دے ایجنڈے تحت ریاستی میڈیا تے غیر اعلانیہ سنسر شپ ختم، پاک یونیورسٹی آف میڈیا سائنسز دے منصوبے دی تیاری، اطلاعات تئیں رسائی سانگے انفارمیشن کمیشن داقیام،پی ٹی وی،ریڈیو پاکستان اچ براڈ کاسٹنگ دی چنگائی اتے اداریاں دی اصلاحات،اے پی پی کوں جدید ڈیجیٹیل نیوز سروس اچ منتقل کرنڑ،شفاف پالیسی دے ذریعے میرٹ تے پی آئی ڈی دے ذریعے اشتہارجاری کرنڑ دی پالیسی دی تیاری اتے پی ٹی وی دی ایچ ڈی تے منتقلی دیاں کوششاں سمیت بئے اقدامات کیتے گئے ہن۔
وزارت اطلاعات تے نشریات حکام”اے پی پی“ کو ں ڈسائے جو موجودہ حکومت دے پہلے 100ڈینھاں اچ وفاقی وزیر اطلاعات تے نشریات چوہدری فواد حسین دی نگرانی اچ پہلی واری وزارت اطلاعات تے نشریات ریاستی میڈیا جیندے اچ پاکستان ٹیلی ویژن (پی ٹی وی)، پاکستان براڈ کاسٹنگ (ریڈیو پاکستان )، ایسوسی ایٹڈ پریس آف پاکستان(اے پی پی) شامل ہن، تے غیر اعلانیہ سنسرشپ ختم کرتے اپوزیشن کو ں برابردی کوریج ڈیونڑ کوں یقینی بنڑیسی،گزریل حکومتاں دی نسبت موجودہ دور حکومت اچ ریاستی میڈیا کو ں ساریاںسیاسی جماعتاں، سیاسی قیادت کوں پرائیویٹ میڈیا آلی کار کوریج ڈتی ویندی پی ہے جڈاں جو پاکستان ٹیلی ویژن اکیڈمی، ریڈیو پاکستان اکیڈمی اتے انفارمیشن سروسز اکیڈمی کوں کٹھا کر تے پاک یونیورسٹی آف میڈیا سائنسز دے منصوبے دی تیاری تے کم تکھے جاری ہے، پاک یونیورسٹی آف میڈیا سائنسز دے ڈو مرکزی شعبے ہوسن جنہاں اچ ہک شعبہ ماس کمیونیکشن دے طلباءکوں میڈیا دے جدید رجحانات دے حوالے تعلیم ڈتی ویسی جڈاں جو ڈوجھا شعبہ انجنیئرنگ توں متعلق ہوسی کیونجو 1960ءاچ پاکستان خود ٹرانسمیٹرتیار کرنڑ آلا ملک ہا لیکن ایندے بعد ایندے تے توجہ نی ڈتی گی، وزارت اطلاعات تے نشریات انجینئرنگ دے شعبے اچ دوبارہ جدت گھن آونڑ دی خواہش رکھیندی ہے۔
پاک یونیورسٹی آف میڈیا سائنسز دامنصوبہ میڈیا انڈسٹری سانگے حکومت ولوں ہک اہم سنگ میل ہوسی، ایہ منصوبہ ڈے تے حکومت پاکستان دی میڈیا انڈسٹری دی چنگائی سانگے سبھ توں وڈا حصہ پاتے۔ پہلی واری پاکستان ٹیلی ویژن (پی ٹی وی)، پاکستان براڈ کاسٹنگ (ریڈیو پاکستان) اچ اداریاں دی اصلاحات متعارف کرائی گی ہن ، ملازماں دی ریشنلائزیشن ، ملازماں دی تعداد ودھاونڑ سانگے تربیتی سرگرمیاں کراونڑ ، براڈ کاسٹنگ دے شعبے دی چنگائی دے نال پی ٹی وی کوں ایچ ڈی تے منتقلی دے امور تے کم تکھے جاری ہے۔
وفاقی وزیر اطلاعات تے نشریات چوہدری فواد حسین دی ذاتی دلچسپی دی وجہ نال کئی سال توں زیر التواءفیڈرل انفارمیشن کمیشن دی تشکیل ممکن تھیسی۔ اطلاعات تئیں رسائی سانگے فیڈرل انفارمیشن کمیشن سانگے اعظم خان اتے انفارمیشن کمشنرز سانگے زاہد عبداللہ اتے فواد ملک دی تقرری کیتی گی ہے۔ انفارمیشن کمیشن مکمل ہونڑ دے بعد ہنڑ صحافیاں دے علاوہ عام شہری وی کہیں وی محکمے دے حوالے نال معلومات طے شدہ طریقہ کار مطابق حاصل کرسگسن۔
10ڈینھاں اچ متعلقہ ادارے توںمعلومات نہ ملنڑ دی صورت اچ انفارمیشن کمیشن نال رجوع کیتا ونج جا سگسی ، انفارمیشن کمیشن کو ںسول کورٹ دے اختیارات ملسن ا وہ کہیں وی ادارے دے افسر کوں سمن کرسگدن ، صحافتی برادری وی انفارمیشن کمیشن دے ذریعے معلومات گھن سگسن جیندے سانگے حکومت ہک نظام وضع کر ڈتے۔ پی ٹی آئی حکومت 100ڈینھاں دے پلان تحت پہلی واری وزیر اطلاعات تے نشریات چوہدری فواد حسین دی نگرانی اچ ہک شفاف پالیسی تحت میرٹ تے اشتہار جاری کرنڑ سانگے پالیسی تیار کیتی ویندی پی ہے جیندے اچ سارے سٹیک ہولڈراں نال مشوریاں دا عمل جاری ہے، پی آئی ڈی توںجاری تھیونڑ آلے اشتہاراں دی تفصیلات باقاعدگی دے نال ویب سائیٹ تے اپ لوڈ کیتیاں ویسن ۔
