بھارت پاکستان دی مضبوط معیشت اتے تکھی رفتار ترقی توں ڈردا پئے ،دہشت گردی مسلط کیتی گی تاں منہ تروڑ جواب ڈیسوں ،عابد شیر علی

اسلام آباد (پاکستان نیوز پوائنٹ 29ستمبر 2016ء) وزیر مملکت عابد شیر علی آکھیا ہے جو بھارت پاکستان دی مضبوط معیشت اتے تکھی رفتار توں ڈریا پئے ،وزیراعظم جنرل اسمبلی اچ مقبوضہ کشمیر اچ بھارتی جارحیت تے پاکستان دا درست موقف عالمی برادری دے سامنڑے رکھ ڈتا ہے ۔عام انتخابات 2018اچ ہی تھیسن ،مسلم لیگ ن چنگی کامیابی حاصل کریسی ،14اگست گزر گے تاں 30ستمبر وی گزر ویسی ۔

خمیس کوں پارلیمنٹ ہائوس دے باہروں میڈیا نال گالھ مہاڑ کریندے ہوئیں انہاں آکھیا جو پاکستان دی تکھے ترقی بھارت کوں ہضم کائنی تھیندی پئی ،انہاں آکھیا جو پاکستان دا کشمیر دے حوالے نال موقف عالمی برادری من گھدا ہے جیں تے بھارت بوکھلاہٹ دا شکار تھی گے او پاکستان کوں جنگ دیاں دھکمیاں ڈیندا پئے پاکستان پر امن ملک ہے تے خطے اچ امن چاہندا ہے اگر پاکستان تے کوئی وی دہشت گردی مسلط کیتی گی تاں پاکستان ایندا منہ تروڑ جواب ڈیسی۔