اسلام آباد (پاکستان نیوز پوائنٹ 29ستمبر 2016ء) کشمیر دے مسئلے کوں چاونڑ سانگے وزیراعظم دے پاکستان دے نمائندہ خصوصی رانا محمد افضل خان اتے سینیٹر عائشہ رضافاروق دی پیرس اچ فرانسیسی سینیٹرز،وزارت خارجہ دے اعلیٰ حکام اتے مقامی تھنک ٹینکس نال ملاقاتاں کیتیاں اتے انہاں کوں مقبوضہ کشمیر اچ انسانی حقوق دیاں خلاف ورزیاں بارے بریفنگ ڈتی ۔انہاں فرانس دے دار الحکومت پیرس اچ فرانسیسی سینیٹ اچ فرانس پاکستان فرینڈ شپ گروپ دے صدرسینیٹرز پاسکل ایلیز نال ملاقات کیتی تے انہاں کوں مقبوضہ کشمیر اچ نہتے کشمیریاں تے بھارتی قابض فوج دے ظلم بارے ڈسایا ۔
سینیٹر عائشہ رضا فاروق اتے رانا محمد افضل خان وزیراعظم ولوں دنیا دے اہم دارالحکومتاں اچ کشمیر دے مسئلے کوں چاونڑ سانگے مقرر کیتے گے 22 خصوصی نمائندے شامل ہن۔وزیراعظم دے خصوصی نمائندے بھارتی قابض فوج ولوں کشمیری عوام دے خلاف خلاف طاقت اتے خاص طور تے پیلٹ گنزدے بلا امتیاز استعمال متعلق ڈسایا جیں نال سینکڑاں لوک دید توں محروم تھی گے ہن ۔ انہاں فرانس تے زور ڈتا جو او سلامتی کونسل دے مستقل رکن دی حیثیت نال کشمیر دے حل سانگے اقوام متحدہ دیاں قراردادں تے عمل در آمد یقینی بنڑاونڑ سانگے اپنڑاں کردار ادا کرے جیں اچ بھارتی مقبوضہ کشمیرکو ں ہک متنازعہ علاقہ من گھدا ہے اتے کشمیریاں دے حق خود ارادیت سانگے آزاد اتے شفاف رائے شماری تے زور ڈتا گیا ہے۔
