اسلام آباد (پاکستان نیوز پوائنٹ 23ستمبر 2016ء) چین دے وفد پاکستان زرعی تحقیقاتی کونسل (پی اے آر سی) دا دورہ کیتا اتے پی اے آر سی دے چیئرمین ڈاکٹر ندیم امجد نال ملاقات کیتی۔ ایں موقعے تے چیئرمین پی اے آر سی ڈاکٹر ندیم امجد پی اے آر سی دے مختلف شعبیاں اچ چین دے تعاون دی تعریف کریندے ہوئیں آکھیا جو چین پاکستان دا قریبی دوست ہے جیہڑا جو پاکستان دی ترقی اچ اہم کردار ادا کر یندا پئے ۔
انہاں چینی وفد کوں پی اے آر سی بارے تفصیلی بریفنگ ڈتی اتے ڈسایا جو پائیدار غذائی خود کفالت اتے غربت اچ گھٹکی گھن آونڑ سانگے مؤثر حکمت عملی دے تحت کم کیتا ویندا پئے ۔ انہاں آکھیا جو پی اے آر سی زراعت دے مختلف شعبیاں دی ترقی اتے بہتری سانگے ملکی اتے عالمی اداریاں دے تعاون نال کم کریندی پئی ہے ۔ ملاقات دے دوران چینی اتے پاکستانی ماہراں نہ صرف معلومات دا تبادلہ کیتا جڈانجو ڈو طرفہ دلچسپی دے شعبیاں اچ گانڈھے کوں بیا ودھاونڑ اُتے زور دی ڈتا۔ چینی وفد زرعی شعبے دی ترقی کیتے پی اے آر سی دیاں کوششاں دی تعریف کیتی۔
