ارمچی (پاکستان نیوز پوائنٹ 23ستمبر 2016ء) پارلیمانی کمیٹی برائے پاک چین اقتصادی راہداری دے چیئرمین سینیٹر مشاہد حسین سید آکھے جو ''ون بیلٹ ون روڈ'' سوچ دے تحت پاک چین اقتصادی راہداری منصوبہ دنیا دے بہوں اہم منصوبیاں اچوں ہک ہے اتے اے عظیم الشان منصوبہ ایشیائی ملکاں وچال ودھدے ہوئے تجارتی تعاون کوں ظاہر کریندے ۔ سینیٹر مشاہد حسین اے گالہیں چین دے شہر ارمچی اچ تھیونڑآلی چائنہ یوروایشیا کانفرنس دے موقع تے انفارمیشن منسٹرزفورم نال خطاب دے دوران آکھیاں۔
سینیٹر مشاہد دا آکھنڑ ہئی جو قدیم سِلک روڈ دے احیاء پاروں عالمی منظرنامے اچ اقتصادی اتے سیاسی طاقت دا توازن مغرب توں مشرق آلے پاسے منتقل تھیندا پئے ، انہاں گلگتِ بلتستان نال جڑیئے ہوئے چینی صوبے سنکیانگ کوں مستقبل دا تجارتی مرکز قرارڈیندے ہوئیں یورپ اتے ایشیاء وچال رابطے دا اہم ذریعہ قرار ڈتا۔ سینیٹر مشاہد آپنڑیں خطاب اچ چین دے کردار کوں اہم نوعیت دا قرار ڈیندے ہوئیںکہیںنویں سرد جنگ دی بھرپور مخالفت کیتی، انہاں آکھیا جولوکیں دی ترقی تے خوشحالی کیتے معیشت ، توانائی اتے تعلیم دے شعبیاں ا چ تعاون بہوں لازمی ہے ۔
پندہراں سالیں دی پاک چین اقتصادی راہداری منصوبے بارے دوست ملک چین کوں خراجِ تحسین پیش کریندے ہوئیں سینیٹر مشاہد آکھیا جو پاکستانی قوم سی پیک منصوبے کوں کامیاب بنڑاونڑ کیتے کہیں ہک بندے ، سیاسی جماعت، صوبائیت توں ہٹ تے کوششاں کریندی پئی ہے ۔ انہاں امید ظاہر کیتی جو قومی منصوبہ نہ صرف وفاق کوں مضبوط کرنڑ اچ مددڈیسی جڈانجو خیبرپختونخواہ، گلگت بلتستان، بلوچستان، اتے فاٹا دے دورپریں دے علاقیاں دی پسماندگی دور کرنڑ اچ مدد ملسی ۔
چائنہ یوروایشیاء کانفرنس اچ چین، میانمار، کمبوڈیا، مصر، بیلاروس دے اطلاعات بارے وزیراں ، سوئٹزرلینڈ، افغانستان اتے او آئی سی دے مندوبین سمیت بئے شریک تھئے ، دورہ ارمچی دے دوران سینیٹر مشاہد حسین سائنس اینڈ ٹیکنالوجی فورم اتے پبلیکشنز اینڈ بکس ایکسپونال وی خطاب کیتا ،ایںموقعے تے وزیراعظم تاجکستان اتے چین دے منسٹر برائے فلم اینڈ پبلیکشنز تے 16ملکاں دے اہم ترین پبلشرز وی موجود ہن ۔
