اسلام آباد (پاکستان نیوزپوائنٹ 24اپریل 2018ء) لوک ورثہ اچ ترائے ڈینہاں دا یوتھ کلچرل میلہ 27 اپریل توں شروع تھیسی، میلے دا مقصد عوام کوں ڈیونڑ دے نال نال ملک دے با صلاحیت نینگران کوں اپنڑیاں صلاحیتاں دے اظہار دے مواقع فراہم کرنڑاں اے۔لوک ورثہ دی ایگزیکٹو ڈائریکٹر شاہیرہ شاہد آکھیا جو میلے دی افتتاحی تقریب 27 اپریل کوں ڈینھ 11 وجے تھیسی ۔
توقع ہے جو وزیرمملکت اطلاعات مریم اورنگزیب میلے دا افتتاح کریسن۔ایں موقع تے رنگا رنگ تقریب منعقد تھیسی جیں اچ ملی نغمے،لوک گیت اتے کلام اقبال پیش کیتا ویسی ۔انہاں آکھیا میلہ 3 ڈینھ جاری رہ ویسی ،ایں موقع تے نینگر آرٹسٹ پرفارم کریسن۔انھاں آکھیا اختتامی تقریب اتوار کوں تھیسی ،شام 6 وجے یوتھ کلچرل شو منعقد تھیسی جیں اچ لوک موسیقار،گلوکار اتے رقاص پرفارم کریسن۔میلے اچ ہنرمنداں تے دستکاروں دے فن پاریں دے سٹال وی لاتے ویسن میلے اچ شرکت سانگے یونیورسٹی اتے تعلیمی اداریں نال رابطہ کیتا گے ۔انہاں آکھیا جو میلے اچ شرکت سانگے داخلہ فری وے جڈاں جو سویل 10وجے توں رات 8وجے تئیں میلہ جاری رہسی ۔
