پاکستان دی افغان صوبہ ہلمند اچ سپورٹس سٹیڈیم تے کار بمب حملے دی شدید مذمت

اسلام آباد (پاکستان نیوزپوائنٹ 24مارچ2018ء) پاکستان افغان صوبہ ہلمند اچ سپورٹس سٹیڈیم تے کار بمب حملے دی شدید مذمت کیتی ہے۔ ایہ حملہ گزریل ڈینھ سٹیڈیم اچ ریسلنگ دا میچ ڈیکھنر دے بعد جڈاں لوک واپس ویندے پئے ہن اوں ویلھے تھیا۔ دفتر خارجہ ولوںہفتہ کوں جاری کیتے گئے بیان اچ آکھیا گئے جو اساں دہشت گردی دی ظالمانہ کارروائی نال معصوم لوکاں دیاں قیمتی جاناں دے ضیاع تے گھاٹاڈکھ محسوس کریندوں ۔ بیان اچ زخمیاں دی وختی صحت یابی دی دعا اتے بمب دھماکے اچ ہلاک تھیونڑآلیاں دے اہل خانہ نال تعزیت وی کیتی گئی ہے۔ پاکستان ہر قسم دی دہشت گردی دی شدید مذمت کریندے اتے ڈکھ دی ایں گھڑی اچ افغانستان دی حکومت اتے عوام دے غم اچ برابر دا شریک ہے۔