سری لنکا دے صدر متھری پالا سری سینا پاکستان دا ترائے ڈینھاںدا دورہ مکمل کرنڑ دے بعد ہفتہ کوں واپس روانہ تھی گئے

اسلام آباد (پاکستان نیوزپوائنٹ 24مارچ2018ء) سری لنکا دے صدر متھری پالا سری سینا ہفتہ کوں پاکستان دا ترائے ڈینھاں دا دورہ مکمل کرنڑ دے بعد واپس اپنڑے ملک روانہ تھی گئے۔ ایوان صدر ولوں جاری بیان دے مطابق نور خان ایئر بیس تے صدر مملکت ممنون حسین اتے وزیرمہمانداری عبدالقادر بلوچ سمیت بئے اعلیٰ حکام انہاں کوں رخصت کیتا۔ پاکستان اچ اپنڑے قیام دے دوران سری لنکا دے صدر یوم پاکستان دی پریڈ اچ بطور مہمان خصوصی شرکت کیتی اتے صدر مملکت ممنون حسین اتے وزیراعظم شاہد خاقان عباسی نال ملاقاتاں وی کیتیاں ۔