اسلام آباد (پاکستان نیوزپوائنٹ 24مارچ2018ء) ملک اچ ہوا نال بجلی پیدا کرنڑ دے 15 مختلف منصوبے مکمل تھی گئے ہن ۔انہاں منصوبیاں اچ 788.5 میگاواٹ شفاف اتے سستی بجلی پیدا کیتی ویندی پی ہے ۔ متبادل ذرائع توں توانائی دی پیداواردے فروغ دے حوالے نال جاری اعدادوشمار دے مطابق پاکستان اچ انرجی مکس پالیسی دے تحت متبادل ذرائع توں بجلی بنراونڑ تے توجہ ڈتی ویندی پئی اتے ہوا دی مدد نال بجلی بنڑاونڑدے 9 مختلف منصوبے مکمل تھیونڑ آلے ہن ،جنہاں دی پیداواری استعداد 445.8 میگاواٹ ہے۔
پاکستان تیل تے گیس دی بجائے متبادل ذرائع توں شفاف اتے سستی بجلی بنڑاونڑ سانگے جامع اقدامات کریندا پئے۔ جاری سال دے دوران قومی گریڈ اچ 10 ہزار میگاواٹ توں ودھ بجلی رل شامل تھی ویسی ،جیندے نال توانائی دی گھٹکی دے مسئلہ کوں قابو کرنڑ اچ مدد ملسی۔
