اسلام آباد (پاکستان نیوزپوائنٹ 24مارچ2018ء) پانڑیں دی دستیابی اتے ایندے معیار اچ چنگائی سانگے دنیا کوں ”گرینر“ پالیسیاں دی ضرورت ہے ،تاں جوپوری دنیا دے ارباں انساناں کوں پانڑیں دی گھٹکی توں تحفظ ڈتاو نج جا سگے۔ اقوام متحدہ ” ورلڈ واٹر ڈویلپمنٹ رپورٹ 2018“ اچ آکھے جو عالمی آبادی دی ادھ آبادی دے 3.6 ارب ببندیاں کوں پانڑیں دی گھٹکی دا سامنڑاں ہے اتے 2050 ءتئیں پانڑیں دی گھٹکی دے شکار بندیاں دی تعداد 5.7 ارب تئیں ودھنڑ دا خدشہ ہے۔
رپورٹ مطابق اگر ایں سانگے عالمی سطح تے اقدامات نہ کیتے گئے تاں 2050 ءتئیں پنج ارب توں ودھ بندیاں کوں پانڑیں دے مسئلیاں دا سامنڑاں کرنڑ پوسی۔ رپورٹ دے مطابق پانڑیں دی گھٹکی دے بین الاقوامی مسئلے دے حل سانگے جامع اقدامات کرنڑ دی ضرورت ہے۔ رپورٹ مطابق ہک صدی دے دوران پانڑین دے استعمال اچ چھ گنا ودھار اتھئے اتے ایندے اچ مسلسل ودھار اتھیندا پئے۔
رپورٹ دے مطابق پانڑیں دے استعمال اچ ودھارے دی بنیادی وجہ آبادی دا ودھارا، اقتصادی ترقی اتے پانڑیں دے استعمال دے طریقے وغیرہ شامل ہن۔ اقوام متحدہ عالمی برادری کوں خبردار کیتے جو پانڑیں دی گھٹکی دے مسئلہ کوں قابو کرنڑ سانگے گرینر پالیسیاں تے خصوصی توجہ ڈیونڑ دی ضرورت ہے ،تاں جو پانڑیں دی دستیابی اتے ایندے قابل استعمال ہونڑ دے معیار اچ ودھارا کیتا ونج جا سگے۔
