اسلام آباد (پاکستان نیوزپوائنٹ 23مارچ2018ء) پاکستان مسلم لیگ (ن) دے رہنما سینیٹر پرویز رشید آکھے جو اپنڑاں آئینی دور پورا کرنڑ ہر جمہوری حکومت دا حق ہے، جمہوری نظام ہی سارے ملکی مسئلیاں دا ہکو حل ہے۔ گزریل ڈینھ ہک نجی ٹی وی چینل نال گالھ بات کریندے ہوئیں انہاں آکھیا جوپاکستان مسلم لیگ (ن) الیکشن سانگے تیار ہے ، اساڈی جماعت اپنڑے گزریل 5 سالاں دی کارکردگی دی بنیاد تے آندے عام انتخابات اچ وی جیت ویسی ۔
انہاں آکھیا جو سیاسی جماعتاں ہمیشہ اپنڑیاں پالیسیاں لوکاں دیاں خواہشاںدے مطابق بنڑیندیاں ہن ۔ انہاں آکھیا پاکستان مسلم لیگ (ن) دی قیادت کڈاہیں وی کہیں قومی ادارے دے خلاف لڑائی دی پالیسی اختیار نی کیتی۔ انہاں آکھیا وج محمد نواز شریف ہمیشہ عدلیہ دااحترام کیتے اتے عدلیہ دے ہر فیصلے تے عملدرآمد وی کیتے۔ سینیٹر پرویز رشید دا آکھنڑ ہاجو پاکستان مسلم لیگ (ن) احتساب دے حق اچ ہے پرا یہ احتساب ساریاں د اتے بلاامتیاز تھیونڑ چاہیدے۔
انہاں آکھیا جوسابق وزیراعظم محمد نواز شریف اج وی باقاعدگی نال عدالتوں دے سامنڑے پیش تھیندن جیرھا انہاں دا عدلیہ دے احترام دا وڈاثبوت ہے۔ انہاں آکھیا جو محمد نواز شریف دا ناں پاناما پیپرز اچ کڈاہیں وی موجود کائنی ہا اتے نہ ہی انہاں دے خلاف کرپشن دا کوئی ہک وی کیس ثابت تھیا بلکہ انہاں کوں صرف ہک اقامے دی بنیاد تے نااہل آکھیا گئے ۔ ہک سوال دے جواب اچ انہاں آکھیا جو اساڈی پوری جماعت اتے محمد شہباز شریف دے خیالاں اچ کوئی فرق کائنی ۔ ہک بئے سوال دے جواب اچ انہاں آکھیا جو18ویں ترمیم دی منظوری دے بعد صوبیاں دی محرومیاں مک گئیاں ہن۔
