چوہدری نثار ملک دی موجودہ سیاسی صورتحال اچ مختلف تصورات رکھیندن،وزیر مملکت رانا محمد افضل

چوہدری نثار ملک دی موجودہ سیاسی صورتحال اچ مختلف تصورات رکھیندن،وزیر مملکت رانا محمد افضل

اسلام آباد (پاکستان نیوزپوائنٹ 23مارچ2018ء) وزیر مملکت برائے خزانہ رانا محمد افضل آکھے جوچوہدری نثار ملک دے ہک تجربہ کار اتے سینئر سیاستدان ہن، انہاں دی پاکستان مسلم لیگ (ن) دے نال پرانڑیں وابستگی ہے۔ جمعہ کوں ہک نجی ٹی وی چینل نال گالھ بات کریندے ہوئیںانہاں آکھیا جو چوہدری نثار ملک دی موجودہ سیاسی صورتحال اچ مختلف تصورات رکھنڑدے حامل ہن اتے ا وہ اپنڑی جماعت دے امیج کوں نقصان پجاونڑ دا سوچ وی نی سگدے ۔

ملکی معیشت اچ اچانک تھیونڑ آلیاں تبدیلیاں تے تبصرہ کریندے ہوئیں انہاں آکھیا جو محمد نواز شریف دی نااہلی دے فیصلے دے بعد پاکستان کو ںسیاسی اتے اقتصادی محاذ تے بحران دا سامنڑاں کرنڑ پوندا پئے۔ انہاں آکھیا جو محمد نواز شریف عدالت عظمیٰ دے فیصلے دے فوری بعد اپنڑی وزارت عظمیٰ دی کرسی کوں چھوڑ ڈتا کیونجو اساں عدالتاں دا احترام کرنڑ آلی جماعت ہسے ۔

وزیر مملکت آکھیا جوپاکستان مسلم لیگ (ن) دی گزریل5 سالاں دی کارکردگی دی بنیاد تے لوک آندے عام انتخابات اچ وی اساڈی جماعت کوں ووٹ ڈیسن۔ سابق وفاقی وزیر خزانہ محمد اسحاق ڈار دی پوزیشن دا دفاع کریندے ہوئیں انہاں آکھیا جو اسحاق ڈار وسطی ایشیائی ریاستاں دی کانفرنس اچ شرکت دے بعد دبئی گئے اتے ول اپنڑے علاج سانگے اوہ دبئی توں لندن گئے ہن۔