ایران اتے پاکستان دا علم و ادب، خطاطی ، فنون لطیفہ دے شعبیاں اچ گانڈھا ودھاونڑ دا فیصلہ،تہران اچ مفاہمتی یادداشت تے دستخط تھیسن

سلام آباد (پاکستان نیوزپوائنٹ 19مارچ2018ء) ایران اتے پاکستان دا علم و ادب، خطاطی ، فنون لطیفہ دے شعبیاں اچ گانڈھا ودھاونڑ دا فیصلہ کتیے، ایں سانگے تہران اچ مفاہمتی یادداشت تے دستخط تھیسن۔تقریب کیتے مشیر وزیراعظم عرفان صدیقی کوں ایران دے سرکاری دورہ دی دعوت ڈتی گئی اے۔ اے گالھ پاکستان اچ ایران دے ثقافتی قونصلر شہاب الدین دارائی ترائے سالہ مدت سفارت مکمل تھیونڑ تے مشیر وزیراعظم نال سونوار کوں ملاقات اچ آکھی۔ عرفان صدیقی دورہ ایران دی دعوت قبول کریندے ہوئیں آکھیے جو ڈوہاں ملک مذہبی، تاریخی، تہذیبی اتے ثقافتی رشتیاںاچ جڑیے ہوئن،ڈوہاں ملکاں کوں ہک بئے نال ہتھ ونڈاونڑاں چاہیدے۔