ساڈے گروپ کہیں پارٹی اچ رلنڑ دی بجائے آزاد رہنڑ دا فیصلہ کیتے،چیئرمین سینٹ صادق سنجرانی

کوئٹہ(پاکستان نیوزپوائنٹ 19مارچ2018ء) چیئرمین سینیٹ محمد صادق خان سنجرانی آکھیے جو ساڈے گروپ کہیں پارٹی اچ رلنڑ دی بجائے آزاد رہنڑ دا فیصلہ کیتے،ساڈے خلاف تحریک عدم اعتماد داکوئی امکان کائنی۔دالبندین ایئرپورٹ تے میڈیا نال الویندے ہوئیں صادق سنجرانی آکھیے جو اپنڑی آدا حیثیت برقرار کھیسوں۔دالبندین پجنڑ تے پی پی پی اتے پی ٹی آئی کارکناں، قبائلی عمائدین، سیاسی شخصیات اتے مقامی لوکاں انہاں دا پھلاں دے ہارپوا تے استقبال کیتے۔انہاں اپنڑے آبائی ضلع چاغی پجنڑ تے خوشی دا اظہار کیتے۔چیئرمین سینیٹ محمد صادق خان سنجرانی دے اعزاز اچ جے یو آئی (ف) دے رہنماءسردار نجیب سنجرانی ولوں ظہرانہ ڈتا گئے۔انہاں چاغی اچ معروف بزرگ بابا بلانوش دے مزار تے حاضری ڈتی۔