پی ٹی آئی دے رکن ساجد نواز دا بجلی دے بلاں دا بنڑیا ہویا ہار گل اچ پا تے احتجاج ، ویڈیو بناونڑ تے ڈو اراکاناں دی سرزنش

اسلام آباد (پاکستان نیوزپوائنٹ 15مارچ2018ء) قومی اسمبلی اچ تحریک انصاف دے رکن ساجد نواز بجلی دے بلاں دا بنڑیا ہویا ہار گل اچ پا تے اتے سر تے انہاں بلاں نال بنڑی ہوئی ٹوپی پا تے انوکھا احتجاج کیتا۔ خمیس کوں قومی اسمبلی اچ توانائی دی ترسیل دے حوالے نال بل دی منظوری دے دوران اوہ گیلری اچ ونج تے گل اچ ہار اتے سر تے ٹوپی پا تے ایوان اچ آئے ۔ای ںدوران وزیر مملکت برائے توانائی عابد شیر علی اتے پی ٹی آئی دے ارکاناں وچال تکرار وی تھیا۔ تحریک انصاف دے رکن انجینئر حامد الحق اتے جماعت اسلامی دی رکن عائشہ سید انہاں دی ویڈیو بنڑائی جیندے تے ڈپٹی سپیکر انہاں اراکاناں دی سرزنش کریندے ہوئیں آکھیا جو ایوان اچ ایندی اجازت کائنی ہے، آئندہ اے نہ کیتا ونجے۔