فنانس ڈوےژن دے ترقیاتی کماں سانگے 13 ارب 5 کروڑ روپے جاری

اسلام آباد (پاکستان نیوزپوائنٹ 15مارچ2018ء) وزارت منصوبہ بندی و ترقی فنانس ڈوےژن دے ترقیاتی کماں سانگے مجموعی طور تے ہنڑ تئیں 13 ارب 4 کروڑ 93 لکھ روپے توں ودھ دے فنڈز جاری کر ڈتے ہن۔ حکومت ولوں ایں ڈویژن دے ترقیاتی کماں سانگے 29 ارب 11 کروڑ 87 لکھ روپے توں ودھ دے فنڈز رکھے گئے ہن۔ پلاننگ کمیشن توںجاری کیتے گئے اعداد و شمار مطابق حکومت ضلع لاہور اچ مختلف ترقیاتی کماں سانگے 30 کروڑ روپے، ضلع اوکاڑہ اچ ترقیاتی کماں سانگے 10 کروڑ روپے، ضلع ٹوبہ ٹیک سنگھ اچ ترقیاتی کمان سانگے 10 کروڑ روپے، ضلع سرگودھا اچ ترقیاتی کماں سانگے 30 کروڑ روپے، ضلع خضدار اچ ترقیاتی کماں سانگے 16کروڑ روپے، ضلع سرگودھا اچ ساہیوال-سلانوالی روڈ دی بحالی سانگے29 کروڑ 60 لکھ روپے، سپیشل ترقیاتی پیکیج پنجاب سانگے 2 ارب روپے، ضلع سیالکوٹ اچ سپیشل ریپیئر اتے شہر دیاں اندر آلیاں سڑکاں بنڑاون سانگے 39 کروڑ 97 لکھ روپے، پتوکی سٹی اچ فلائی اوور اتے بائی پاس روڈ سانگے 25 کروڑ روپے، سی پیک دے تحت گوادر اچ صاف پانڑیں کیتے 50کروڑ روپے، گریٹر کراچی واٹر سپلائی سکیم سانگے3 ارب 82 کروڑ روپے، گریٹر کراچی سیوریج پلانٹ کیتے97 کروڑ 50 لکھ روپے سمیت مختلف ترقیاتی منصوبیاں سانگے فنڈز جاری کر ڈتے ہن ۔