اسلام آباد (پاکستان نیوزپوائنٹ 13 فروری2018ء) احتساب عدالت سابق وزیر اعظم نوازشریف ،مریم نواز، کیپٹن (ر)محمد صفدردے خلاف ریفرنسز دی سماعت 15فروری تئیں ملتوی کرڈتی اے۔کیس دی سماعت اچ سابق وزیر اعظم محمد نواز شریف، مریم نواز اتے رکن قومی اسمبلی کیپٹن (ر)محمد صفدر عدالت پیش تھین۔معروف قانون دان عاصمہ جہانگیر دے جنازے پاروں سابق وزیر اعظم دے وکیل خواجہ حارث دے نہ ہوونڑ تے عدالت سماعت بغیر کہیں کارروائی دے 15 فروری تئیں ملتوی کرڈتی اتے استغاثہ دے چار گواہ سڈ گھدن۔
سماعت دے دوران سابق وزیر اعظم محمد نواز شریف، مریم نواز اتے رکن قومی اسمبلی کیپٹن (ر)محمد صفدر ولوں حاضری توں استثنیٰ دی درخواست وی دائر کیتی گئی۔درخواست اچ بیگم کلثوم نواز دے بیمار ہوونڑ پاروں خاندان دے ڈو ہفتے کیتے لندن ونجنڑ بارے استثنیٰ منگیا گئے۔
