پنجاب اسمبلی اجلاس؛گنے دے کاشتکاراں دے مسائل سانگے صوبائی وزیر خوراک آندے اجلاس اچ طلب

پنجاب اسمبلی اجلاس؛گنے دے کاشتکاراں دے مسائل سانگے صوبائی وزیر خوراک آندے اجلاس اچ طلب

لاہور(پاکستان نیوزپوائنٹ 13 فروری2018ء) پنجاب اسمبلی دے اجلاس اچ عوامی مفاد دی کوئی وی قرار داد منظور نہ تھی سگی جڈاں جو گنے دے کاشتکاراں دے مسائل جانڑن کیتے صوبائی وزیر خوراک کوں آندے اجلاس اچ سڈ گھدا گئے۔اجلاس اچ محکمہ زکٰوة و عشر اتے یوتھ آفیئرز و سپورٹس بارے سوالاں دے جواب ڈتے گئے۔رکن اسمبلی میاں طارق دے سوال دے جواب اچ ڈسایا گئے جو مستحقین تئیں زکوٰة دی ترسیل 94فیصد اے بھل ایں واری فنڈ نہ ہوونڑ پاروں ایندے اچ کجھ دیرتھئی اے۔

رکن اسمبلی احمد خان بھچردکی دیہی علاقیاں اچ بجلی ڈیونڑبارے قرار داد،حنا پرویز بٹ دی پیونڑ دے پانڑی کیتے چھوٹے ڈیم بنڑاونڑ دی قرار دادک،مرحوم منو بھائی دیاں خدمتاں اتے ہسپتالاں دیاں لیبار ٹرےاں اچ مشینری ودھاونڑ دیاں چارے قرار داداں محرک نہ ہوونڑ پارون نمٹا ڈتیاں گن۔میاں محمود الرشیددی پیٹرولیم مصنوعات دیاں قیمتاں بارے قرار دادتکنیکی بنیاد تے حکومتی مخالفت پاروں ایوان کثرت رائے نال مسترد کرڈتی۔کاشف رحیم دے نکتہ اعتراض تے سپیکر صوبائی وزےر خوراک کوں گنے دے کاشتکاراں دے مسائل حل کرنڑ کیتے جمعہ16فروری کوں ایوان اچ سڈ گھدے۔اجلاس دا ایجنڈا مُکنڑ تے اسپیکر اجلاس جمعہ16فروری تئیں ملتوی کرڈتے۔