اسلام آباد (پاکستان نیوز پوائنٹ 07ستمبر 2016ء) ایوان بالا اچ مختلف قائمہ کمیٹیاں دیاں رپورٹاں پیش کیتیاں گئن۔ بدھ کوں ایوان بالا دے اجلاس اچ قائمہ کمیٹی خزانہ ولوں سینیٹر مشاہد اللہ خان خزانہ ڈویژن' نجکاری ڈویژن' آڈیٹر جنرل آف پاکستان' سنٹرل ڈائریکٹوریٹ آف نیشنل سیونگز کیتے بجٹ دی تخصیص اتے ایندے استعمال تے کمیٹی دی رپورٹ ایوان اچ پیش کیتی۔
سینیٹر جاوید عباسی قائمہ کمیٹی قنون تے انصاف ولوں پاکستان سٹینڈرڈز اینڈ کوالٹی کنٹرول اتھارٹی ایکٹ 1996ء اچ ترامیم بارے کمیٹی دی رپورٹ ایوان اچ پیش کیتی۔ ایوان بالا ایں رپورٹ دی منظوری ڈے ڈتی ۔ سینیٹر مشاہد اللہ خان قائمہ کمیٹی خزانہ دی طرفوں بجلی دے بلاں تے ٹیکساں دے نفاذ بارے معاملے تے کمیٹی دی رپورٹ پیش کیتی' پاکستان ادارہ برائے شماریات دے بورڈ آف فنکشنل ممبرز اتے گورننگ کونسل اچ سندھ ' بلوچستان' خیبر پختونخوا اتے فاٹادی نمائندگی یقینی بنڑاونڑ بارے کمیٹی کمیٹی برائے خزانہ دی رپورٹ وی ایوان اچ پیش کیتی۔
ایوان بالا کمیٹی دی ایں رپورٹ دی وی منظوری ڈے ڈتی ۔ سینیٹر مشاہد حسین سید قائمہ کمیٹی موسمی تبدیلی ولوں پاکستان میٹرولوجیکل ڈیپارٹمنٹ دے کردار بارے چاتے گئے معاملے تے کمیٹی دی رپورٹ ایوان اچ پیش کیتی۔ ایوان ایں رپورٹ دی وی منظوری ڈتی۔
