اسلام آباد (پاکستان نیوزپوائنٹ18جنوری2018ء) قومی احتساب بیورو دے چیئرمین جسٹس (ر) جاوید اقبال نیب ہیڈکوارٹرزاچ ہک اجلاس دی صدارت کیتی۔ اجلاس اچ پانامہ اتے برٹش ورجن آئی لینڈ اچ پاکستانیاں دیاں 435 آف شور کمپنیاں دے حوالے نال کتیتاں ونجنڑ آلیاں انکوائریاں دی ابتدائی رپورٹ دا جائزہ گھدا گیا۔چیئرنین نیب ہدایت کیتی جو ایف بی آر ، ایس ای سی پی اتے سٹیٹ بینک آف پاکستان توں ریکارڈ اتے معلومات دی فراہمی کوں تیکھا کیتا ونجے، ایں سانگے کوئی سفارش اتے دباو ¿ ہیٹھ نہ آندے ہوئیں میرٹ، شواہد اتے قانون دے مطابق انکوائری کوں منطقی انجام تئیں پُچایاویسی۔
پانامہ تے برٹش ورجن آئی لینڈ اچ آف شور کمپنیاںبنڑاونڑ آلیاں اچ ایف بی آر دے سابق چیئرمین عبداللہ یوسف اتے شایان عبداللہ دی گرین وڈ انوسٹر، عثمان یوسف دی مارلبرو، امیر عبداللہ دیاں 6کمپنیاں شامل ہین۔ ایندے علاوہ بنھاں پاکستانیاں بارے وی مکمل تفصیلات/ معلومات وصول کرنڑ توں علاوہ متعلقہ افرادتوں قانون دے مطابق انہان دیاں آف شور کمپنیاں بنڑاونڑ دی وجہ اتے ذرائع آمدن دی مکمل تفصیلات بشمول منی ٹریل گھدی ونجے۔ اے خیال رکھنڑا ہوسی جو کمپنیاں بنڑاونڑ ویلھے منی لانڈرنگ تاں نئیں کیتی گئی۔یا قومی خزانے کوں نقصان تاں نئین پُچایا گیا۔
