اسلام آباد (پاکستان نیوزپوائنٹ22نومبر2017ء) سابق وزیراعظم نواز شریف آکھیا ہے جو عدالت دے فیصلے دی وجہ توں معیشت تے ضرب لگی ہے اساڈی حکومت کوں سوکھیں کم نی کرنڑ ڈتا گیا ،گاڈر فادر تے اطالوی مافیا دے الفاظ عدالتاں کوں زیب کائنی ڈیندے ،عدالتاں دا دہر ا معیار سامنڑے آندا پے اساں سانگے عدالت دا پیمانہ کجھ بیان ہے ،رولز آف گیمز ساریں سانگے ہکو جہی ہوونڑیں چاہیدی ہے ۔
۔ نجی ٹی وی چینل نال گالھ مہاڑ کریندے ہوئیں سابق وزیراعظم آکھیا جو عدالت دے فیصلے دی وجہ توں معیشت تے ضرب لگی ہے گاڈ فادر تے اطالوی مافیا جیہوے جے الفاظ عدالت کوں زیب کائنی ڈیندے ،انہاں آکھیا جو پی ٹی آئی رہنماواں عمران خان، جہانگیر ترین اتے علیم خان دے خلاف وی کرپشن دے مقدمے ہن ،اساڈے خلاف تاں فیصلے وختی تھی ویندے ہن انہاں دے خلاف مقدمے دے فیصلے کڈاں آسن ۔
انہاں آکھیا جو خیبرپختونخوا دا وزیراعلیٰ سرکاری خرچ تے جلوس دی قیادت کرنڑ آندا ہے ۔ سابق وزیراعظم آکھیا جو اساڈے دور اچ اللہ سئیں دے فضل نال خوشحالی تے بجلی آئی تے بے روزگاری مکی ہے اساں جیرھے کم کیتے ہن جوپورا پاکستان منیندا پے ، ملک توں دہشت گردی دا خاتمہ تھیا، جی ڈی پی ریٹ کتھوں کتھاں پج گے ایندی شرح 3توں ودھ تے 5فیصد تھی گی ہے ۔
