پاک فوج دے میجر اسحاق کلاچی ڈیرہ اسماعیل خان اچ دہشت گرداں دے خلاف کارروائی دے دوران شہید، نماز جنازہ اچ آرمی چیف، اعلیٰ حکام دی شرکت

پاک فوج دے میجر اسحاق کلاچی ڈیرہ اسماعیل خان اچ دہشت گرداں دے خلاف کارروائی دے دوران شہید، نماز جنازہ اچ آرمی چیف، اعلیٰ حکام دی شرکت

راولپنڈی (پاکستان نیوزپوائنٹ22نومبر2017ء) پاک فوج دے میجر اسحاق کلاچی ڈیرہ اسماعیل خان اچ دہشت گرداں دے کارروائی دے دوران جام شہادت نوش کیتا۔ پاک فوج دے شعبہ تعلقات عامہ (آئی ایس پی آر) ولوں جاری بیان دے مطابق گزریل ڈینھ کلاچی ڈیرہ اسماعیل خان اچ ہک ٹھکانڑیں تے دہشت گرداں دی موجودگی دے بعد سرچ اپریشن کیتا گیا ۔اپریشن دے دوران فائرنگ دے تبادلے اچ میجر اسحاق شہید تھی گے ۔

28سالاں دے شہید میجر دا تعلق خوشاب توں ہے ۔شہید سوگواراں اچ ہک بیوہ تے ہک سال دا بال چھوڑیاہے ۔ شہید دی نماز جنازہ ڈی آئی خان اچ ادا کیتی گی۔ نماز جنازہ اچ چیف آف آرمی سٹاف جنرل قمر جاوید باجوہ تے اعلیٰ حکام شرکت کیتی ۔ ایندے علاوہ آئی ایس پی آر دے ڈائریکٹر جنرل میجر جنرل آصف غفور شہید افیسر کوں شاندار خراج عقیدت پیش کریندے ہوئیں آکھیا ہے جو وطن دے ہک بہادر سپوت مادر وطن دے دفاع اچ اپنڑی جان قربان کر ڈتی ۔ سماجی میل جول دی ویب سائٹ ٹویٹر تے جاری کیتے گے ہک پیغام اچ میجر جنرل آصف غفور آکھیا جو مادر وطن دا دفاع مقدس فریضہ ہے تے اساں مادر وطن کوں دشمناں توں بچاونڑ سانگے ایندا دفاع جاری رکھیسوں ۔