فیڈر بس سروس ملتان سانگے ہک خوبصورت تحفہ ہے ،تریمت مسافراں دا خیر مقدم

ملتان (پاکستان نیوزپوائنٹ12اکتوبر2017ء) فیڈربس سروس ملتان سانگے ہک خوبصورت تحفہ ہے۔ایں بس سروس نال شہریاں کوں عالمی معیار دیاں سفری سہولتاں مل گیاں ہن۔بہوں گھٹ قیمت اچ اے سی بس اچ سفر کرنڑاں متوسط طبقے سانگے بہوں چنگاں قدم ہے ۔اساں حکومت پنجاب دے ایں اقدام دا خیر مقدم کریندوں ۔انہاں خیالاں دا اظہار فیڈر بس سروس اچ سفر کرنڑ آلی تریمت اے پی پی نال گالھ مہاڑ کریندے ہوئیں کیتا ۔حنا،شازیہ تے سلمی آکھیا جو ہنڑ اساں صرف 25روپے اچ پورے ملتان اچ سوکھا سفر کر سگدوں جڈاں جو ایندے توں پہلے اساکوں رکشے اچ 250تے 300روپے اچ سفر کرنڑاں پوندا ہئی جیرھا جو ہک اوکھا کم ہئی ۔تریمت سانگے فیڈر بس سروس بہوں محفوظ ہے ۔اساں تریمتاں ہنڑ کلہیں وی سفر کر سگدوں ۔