ملتان (پاکستان نیوزپوائنٹ12اکتوبر2017ء) ملتان دی مقامی عدالت قندیل بلوچ قتل کیس اچ شامل تفتیش نہ تھیونڑ تے معروف عالم دین مفتی عبدالقوی دے ناقابل ضمانت وارنٹ گرفتاری جاری کرڈتے ہن۔ قندیل بلوچ قتل کیس دی سماعت جوڈیشل مجسٹریٹ محمد پرویز خان دی عدالت اچ تھی ،سماعت دے دوران عدالت کاوڑ دا اظہار کریندے ہوئیں آکھیا جو ہک سال توں ودھ تھی گیا ہے ہنڑ تئیں ایں مقدمے دا چالان پورا کائنی کیتا گیا جیں تے تفتیشی نور اکبر عدالت کوں ڈسایا جو مقدمے اچ نامزد ملزم مفتی قوی پولیس نال تعاون نی کریندا پیا تے نہ ہی شامل تفتیش تھیندا پیا ہے ۔
تفتیشی عدالت توں استدعا کیتی جو ملزم دے ناقا بل ضمانت وارنٹ گرفتاری جاری کیتے ونجن جیں تے عدالت کار روائی کریندے ہوئیں مفتی عبدالقوی دے ناقابل ضمانت وارنٹ گرفتاری جاری کرڈتے ہن۔ مفتی عبدالقوی دا آکھنڑ ہئی جو انہاں ضمانت دی درخواست دائر کر ڈتی ہے۔
