پی آئی اے دے مسافر طیارے دی ہنگامی لینڈنگ، سارے مسافراں کوںحفاظت نال لہا گھدا گیا

اسلام آباد (پاکستان نیوزپوائنٹ11اکتوبر2017ء) سیالکوٹ توں جدہ ونجنڑ آلے پی آئی اے دے مسافر طیارے کوکارگو پورشن اچ دوران پرواز دھواں نظر آونڑ دے بعد لاہور اچ ہنگامی طورتے لہا گھدا گیا ۔ سارے مسافراں کوں حفاظت نال لہا گھدا گیا ، طیارے اچ 300 توں ودھ مسافر سوارہن۔ نجی ٹیلی ویژن دے مطابق سیالکوٹ توں جدہ ونجنڑ آلے پی آئی اے دے طیارے دے پچھلے حصے اچ دھواں نظر آونڑ دے بعد طیارے کو ںلاہور دے علامہ اقبال انٹرنیشنل ائیر پورٹ تے ہنگامی لینڈنگ کرائی گی۔ پی آئی اے دے ترجمان دے مطابق پرواز پی کے 755 کوں تکنیکی وجوہات دی بنیاد تے احتیاطاً لاہوراچ لہا گھدا گیا ۔