اسلام آباد (پاکستان نیوزپوائنٹ11اکتوبر2017ء) پاکستان سمیت ساری دنیا اچ چھوہریں دا عالمی ڈینھ چنگے طریقے نال منایا گیا ۔ایں موقع تے مختلف این جی اوز تے فلاحی اداریں چھوہریں دے حقوق دے تحفظ بارے آگاہی سیمینار ،مباحثے تے مذاکرے تے آگاہی واکس دا انعقاد کیتا ۔پاکستان سمیت ساری دنیااچ چھوہریں دا علمی ڈینھ ہر سال 11اکتوبر کوں منایا ویندا ہے ۔
اقوام متحدہ دی جنرل اسمبلی چھوہریں دے حقوق اتے چھوہریں کوں درپیش مسلیں دے پاسے توجہ ڈیواونڑ سانگے 11اکتوبر کوں چھوہریں دا عالمی ڈینھ قرار ڈتا ۔چھوہر یں تے ظلم تے زیادتی دی تاریخ جتنی پرانڑیں ہے تریمت دے روپ اچ ایندے عزم تے ہمت دی داستان اتنی ہی پرانڑیں ہے ۔چھوہریں جمدے ہی جیندا پور ڈیونڑ ،چھوہر تے چھوہری وچال فرق رکھنڑاں ،انہاں کوں تعلیم توں پرے رکھنڑاں تے بیاں کئی زیادتیاں انسانی حقوق دیاں خلاف ورزیاں ہن ۔
