ایبٹ آباد اچ سابق وزیراعظم نواز شریف دا جلسہ ملتوی کر ڈتا گیا

اسلام آباد (پاکستان نیوزپوائنٹ07ستمبر2017ء ) ایبٹ آباد اچ سابق وزیراعظم محمد نواز شریف دا 10 ستمبر کوں تھیونڑ آلا جلسہ ملتوی کر ڈتا گیا ہے۔ خمیس کوں ڈپٹی سپیکر قومی اسمبلی اتے جنرل سیکرٹری پاکستان مسلم لیگ (ن) خیبرپختونخوا مرتضیٰ جاوید عباسی ولوں جاری اعلامیہ دے مطابق 10 ستمبر 2017ءکوں ایبٹ آباد ڈگری کالج اچ سابق وزیراعظم محمد نواز شریف دا تھیونڑ آلا جلسہ ملتوی کر ڈتا گیا ہے ۔ اے جلسہ بیگم کلثوم نواز شریف دی بیماری دی وجہ توں محمد نواز شریف دی باہرلے ملک اچ قیام دی وجہ توں ملتوی کیتا گیا ہے ۔جلسے دے آندے شیڈول دا اعلان محمد نواز شریف دی ملک اچ واپسی تے کیتا ویسی ۔