اسلام آباد (پاکستان نیوزپوائنٹ07ستمبر2017ء ) قومی اسمبلی سیکرٹریٹ اچ پاکستان پیپلز پارٹی روہنگیا مسلماناں تے بدترین ریاستی تشدد دے حوالے نال ہک قرارداد جمع کرائی ہے ۔ خمیس کوں قومی اسمبلی سیکرٹریٹ اچ قومی اسمبلی اچ قائد حزب اختلاف سیّد خورشید احمد شاہ، ارکان قومی اسمبلی شازیہ عطاءمری، ڈاکٹر نفیسہ شاہ، سیّد غلام مصطفیٰ شاہ، سیّد نوید قمر، اعجاز حسین جاکھرانی، غلام رسول کوریجہ، ڈاکٹر عذرا فضل، محمد ایاز سومرو، شاہدہ رحمانی، عمران ظفر لغاری، رمیش لعل، شگفتہ جمانی اتے ڈاکٹر مہرین رزاق بھٹو ولوں جمع کرائی گی قرارداد اچ میانمار حکومت دی ریاست رخائن اچ جاری ظلم دی مذمت کیتی گی تے مطالبہ کیتا گیا ہے حکومت مسلماناںتے ظلم دے خلاف میانمار حکومت نال رابطے کرے ۔
اقوام متحدہ توں مطالبہ کیتا گیا جو ایں معاملے اچ وختی مداخلت کرے تے اقوام متحدہ میانمار حکومت کوں پر امن حل تے بے گھر لوکاں کوں پڑوسی ملکاں تئیں پجاونڑ سانگے انتظامات تے آمادہ کرے ۔
