پاکستان تے تھائی لینڈ وچال آزادانہ تجارت دے معاہدے تے مذاکرات 21اگست کوں شروع تھیسن

اسلام آباد (پاکستان نیوزپوائنٹ17اگست2017ء) پاکستان اتے تھائی لینڈ وچال آزادانہ تجارت دے معاہدے تے مذاکرات دا اٹھواں ترائے ڈینھ دا دور 21اگست کوں شروع تھیسی ۔وزارت تجارت اے پی پی کوں ڈسایا جو دوہیں ملکاں تحفظات تے ازالے سانگے آزادانہ تجارت دے معاہدے اچ پیش کردہ چیزاں دیاں فہرستاں دا تبادلہ کیتا ہے جیں اچ آٹو موبائل تے ٹیکسٹائل دی مصنوعات شامل ہن ۔مذاکرات دے 8ویں دور اچ ڈوہیں ملکاں دے نمائندے معاہدے دے متن ،محصولات دی شرح اچ گھٹکی تے آفرز لسٹاں سمیت بئے متعلقہ امور دا احاطہ کیتا ویسی ۔۔ذرائع ڈسایا جو ڈوہیں ملکاں وچال آزادانہ تجارت دے معاہدے تے 25ستمبر کوں دستخط دا امکان ہے جیں دے بعد ڈوہیں ملکاں وچال ڈو پاسے تجارت دے حجم اچ ودھارے دا امکان ہے ۔