پاکستان سمیت ساری دنیا اچ انسانی ہمدردی تے انسان دوستی دا عالمی ڈینھ کل منایا ویسی

اسلام آباد (پاکستان نیوزپوائنٹ17اگست2017ء) پاکستان سمیت ساری دنیا اچ انسانی ہمدردی تے انسان دوستی دا عالمی ڈینھ کل ہفتے کوں منایا ویسی ۔ایں ڈینھ کوں مناونڑ دا مقصد انسانی ہمدردی دی بنیاد تے کم کرنڑ آلے انہاں اداریں تے لوکاں کوں خراج تحسین پیش کرنڑاں ہے جیرھا جو دنیا دے مختلف حصیں اچ قدرتی تے ہنگامی تے غیر موافق حالات اچ انسانی ہمدردی دیاں سرگرمیاں اچ نمایاں کردار ادا کریندے پے ہن ۔اقوام متحدہ دی جنرل اسمبلی دسمبر 2008اچ پہلی واری ایں ڈینھ کوں مناونڑ دا فیصلہ کیتا تے پہلی واری اگست 2009اچ اے ڈینھ منایا گیا ۔ایں ڈینھ دی مناسبت نال تقریبات دا اہمتام کیتا ویسی تے انسانی ہمدردی دی بنیاد تے کم کرنڑ آلے انہاں اداریں تے لوکاں کوں خراج تحسین پیش کیتا ویسی ۔