اسلام آباد (پاکستان نیوزپوائنٹ 24جولائی2017ء) بیجنگ میونسپل ایجوکیشن کمیشن ولوں اعلان کیتے گے ڈو ہفتیں تے مشتمل بین الاقوامی چینی زبان سکھنڑ سانگے استاداں دے تربیتی پروگرام 2017سانگے منتخب 40پاکستانی استاد بیجنگ پج گن۔ الوداعی تقریب اتھاںچینی سفارتخانہ اچ گذریل ڈینھ تھی، چین دے سفارتخانہ دے ناظم الامور ژاﺅلی جیان ایں موقع تے منتخب پاکستانی استاداں کوں مبارخ ڈتی تے آکھیا جو تریجھے سال توں پاکستان اچ چینی چینی سفارتخانہ ایں تربیتی پروگرام سانگے معاونت کریندا پیا ہے جیرھا جو بیجنگ میونسپل ایجوکیشن کمیشن اتے بیجنگ انٹرنیشنل ایجوکیشن ایکسچینج دے تعاون نال شروع کیتا گیا پروگرام ہے۔
انہاں آکھیا جو ایں اقدام دا مقصد ہر شعبے اچ تعلقات کوں ودھارا ڈیونڑ ہے ہنڑ تئیں 4کنفیوشس انسٹی ٹیوٹ اتے ہک چینی ثقافتی مرکز پاکستان اچ قائم تھی چکے ہن۔ انہاں آکھیا جو گزریل سال 18ہزار پاکستانی طالب علم چین اچ زیر تعلیم ہن چین دی حکومت سکالر شپ دے پروگرام دے تحت زیر تعلیم طالب علماں دی تعداد 5081ہے۔ انہاں آکھیا جو اے تربیتی پروگرام زبان سکھنڑ توں ودھ تے چین دی ثقافت اتے سوچ کوں جاڑنڑ دا موقع ڈیندا ہے ۔ انہاں آکھیا جو زبان مختلف ثقافتاں کوں جانڑنڑ اچ پل دا کردار ادا کریندی ہے جیں نال لوکاں کوں آپس اچ میل جول دا موقع مل ویندا ہے ۔ بہتر ملازمتاں اتے بہتر مستقبل سانگے دنیا اچ وڈی تعداد اچ لوک چینی زبان سکھدے پے ہن ۔
