حکومت صحت عامہ دے شعبے کوں مستحکم بنڑاونڑ دے ایجنڈے تے گامزن ہے،قومی اتے بین الا قوامی شراکت داراں دے نال رل تے مربوط کوششاں کیتیاں ویندیاںپیاں ہن،سائرہ افضل تارڑ

حکومت صحت عامہ دے شعبے کوں مستحکم بنڑاونڑ دے ایجنڈے تے گامزن ہے،قومی اتے بین الا قوامی شراکت داراں دے نال رل تے مربوط کوششاں کیتیاں ویندیاںپیاں ہن،سائرہ افضل تارڑ

اسلام آباد (پاکستان نیوزپوائنٹ 26جولائی2017ء) وزےر مملکت قومی صحت سائرہ افضل تارڑ آکھیا ہے جو موجودہ حکومت صحت عامہ دے شعبہ کوں مستحکم بنڑاونڑ دے ایجنڈے تے گامزن ہے تے ایں ضمن اچ قومی اتے بین الا قوامی شراکت داراں دے نال رل تے پوریاں کوششاں کیتیاں ویسن ، وزارت قومی صحت پاکستان فیلڈ ایپی ڈیمیالوجی اینڈ لیبارٹری ٹریننگ پروگرام پاکستان دی شروعات اتے سارے اقدامات سانگے بھرپور تعاون دا یقین ڈویندی ہے ۔

انہاں خیالاں دا اظہار انہاں گزریل ڈینھ امراض دی نگرانی اتے وبادے پھٹ ونجنڑ دی صورت اچ وختی جوابی اقدامات بارے 11 ویں سالانہ کورس دے شرکاءاچ اسناد تقسیم کرنڑ دی تقریب توں خطاب کریندے ہوئیں کیتا ۔ سائرہ افضل تارڑ نے آکھیا جو پاکستان اچ وبائی امراض دی روک تھام تے نگرانی سانگے سارے صوبے دے صحت عامہ دے ڈاکٹراں کوں تربیت دی فراہمی وفاقی حکومت دا مشن ہے اتے ایں مشن دے تحت پاکستان فیلڈ ایپی ڈیمیالوجی اتے لیبارٹری ٹریننگ پروگرام جیہوجا اقدام چاتا گیا ہے۔

انہاں آکھیا جودراصل اجوکے سالاں اچ اساکوں پاکستان اچ 2016ءاچ چکن گونیا اتے 2017اچ خسرہ دی وبادا سامنڑاں کرنڑاں پیا تے وڈے پیمانے تے ضیان وی تھیا ۔ اساں ہنڑ تئیں پولیو دے خلاف بر سر پیکار ہوں جڈاں جو پوری دنیا چاہندی ہے جو اساں پولیو دے خاتمے سانگے مزید کم کروں۔ وزیر مملکت کورس پورا کرنڑ آلے سارے شرکا کوں مبارخ ڈتی ۔