65 ڈگری سنٹی گریڈ توں ودھ گرم مشروبات پیونڑ نال سرطان دا ڈر ودھ ویندا ہے ،ماہرین صحت

اسلام آباد (پاکستان نیوز پوائنٹ 17اگست 2016ء) عالمی ادارہ صحت دے ماہرین صحت داآکھنڑ ہے جو گرم مشروباں تے چاہ دے استعمال نال سرطان دے امکانات ودھ دیندے ہن ،کینسر دے تحقیق دے بین الاقوامی ادارے آئی اے آر سی دے ماہرین ولوں جاری کردہ تحقیقاتی رپورٹ دے مطابق 65ڈگری سینٹی گریڈ توں ودھ گرم مشروباں پیونڑ نال سرطان دا ڈر ودھ ویندا ہے ۔ماہرین دا آکھنڑ ہے جو دنیا اچ رغبت نال پیتی ونجنڑآلی چاہ تے ہک خاص طرح دے پتیں نال تیار کیتی گی مشروب کافی جیں اچ کیفین شامل ہوندی ہے اگر ودھ تیز درجہ حرارت نال تیار کیا ونجے تاں ضیان تھی سگدا ہے ۔