اسلام آباد (پاکستان نیوز پوائنٹ 17اگست 2016ء) ماہرین صحت دا آکھنڑ ہے جو دنیا اچ ہر سال 10 لکھ توں ودھ لوک پھپھوندی نال تھیونڑ آلیاں بیماریاں پاروں موت دے منہ اچ ویندن پے ۔سکاٹ لینڈ دی یونیورسٹی آف ایبرڈین دے پروفیسر نیل گو دا آکھنڑ ہے جو جدید تحقیق نال اے گالھ سامنڑے آئی ہے جو پھپھوندی نال تھیونڑ آلے انفیکشن ملیریا یا چھاتی دے سرطان دی نسبت ودھ انساناں دی جان گھندی ہے ایندے تے توجہ نی ڈتی ویندی ۔
انہاں دا آکھنڑ ہے جو پوری دنیا اچ ہر سال لکھاںدی تعداد اچ لوک پھپھوندی نال تھیونڑ آلیاں بیماریاں پاروں موت دے منہ اچ ویندن پے ایندے با وجود ویکسین دستیاب کائنی ۔ماہرین دا آکھنڑ ہے جو پھپھوندی دیاں 50لکھ توں ودھ قسماں ہن جنہاں اچوں کجھ ہک موت دا سبب بنڑدیاں ہن ۔ جنہاں اچ 'ایسپرگیلس' جیرھے جو پھیپھڑیں کوں ضیان پجیندی ہے 'کرپٹوکوکسس' دماغ تے حملہ کریندی ہے۔ 'کینڈیڈا' منہ تے تولیدی اعضا کو ںمتاثر کریندی ہے۔ ماہرین دا آکھنڑ ہے جوپھپھوندی نال پیدا تھیونڑ آلے انفیکشن نال انہاں لوکاں دی جان کوں ودھ خطرہ ہوندا ے جیں دا مدافعتی نظام کمزور ہوندا ہے ۔
