اسلام آباد (پاکستان نیوز پوائنٹ 06 اگست 2016ء) وفاقی وزیر پٹرولیم تے قدرتی وسائل شاہد خاقان عباسی آکھے جو عمران خان دھرنیاں اتے عوامی کٹھ دے تقریراں اچ ڈوجھیاں دی کردار کشی اتے الزام لاونڑ دی ثقافت ڈتی ہے ۔ جلسے اچ جتنی مہذب زبان او الیندے ہن ایندے نال سارے واقف ہن ، سیاستداناں کوں چاہیدے جو ہک بئے دے موقف اتے عزت نفس دا لحاظ کرن۔ اے گالہیں انہاں ہک نجی ٹیلی ویژن چینل د ے پروگرام اچ گالھ مہاڑ کریندے ہوئیں آکھیاں۔
انھاں پاکستان مسلم لیگ (ن)دے خلاف عائد کرپشن دے الزامات کوں مسترد کریندے ہوئیں آکھیا جو صوبیاں اچ مختلف سیاسی جماعتاں دیاں حکومتاں قائم ہن اتے اے ہک عام تاثر ہے جو خیبرپختونخوادی حکومت کرپٹ ترین حکومت ہے اساکوں اے فیصلہ2018ء دے عام انتخابات اچ لوکیں تے چھوڑڈیونڑاں چاہیدے ۔ انہاں آکھیا جو خیبرپختونخوا اچ سرکاری سرپرستی اچ ہائی پریشر آلی لائن اچوں گیس چوری تھیندی پئی ہے چاہیدا تاں اے ہئی جو صوبائی حکومت ایں توں روکنڑ کیتے اقدامات کریندی جڈانجو ایس این جی پی ایل ولوں جیئں ویلے اچ گیس کنکشن کپے گئے تاں صوبائی حکومت ڈی سی او اتے ڈی پی او دے ذریعے تے غیر قنونی کنکشن بحال کراڈتے ۔
انہاں آکھیا جو 2013ء اچ جیئں ویلے اساں اقتدار سنبھالا تا ملک دیوالیہ تھیونڑ دے نیڑے ہئی جڈانجو اساڈی قیادت ملکی معیشت دے استحکام دا جیہڑا پختہ عزم کیتا ایں کوں حقیقت اچ بدلنڑ کیتے اساں ساریاں وزیر اعظم محمد نواز شریف دی ہدایات تے عمل کریندے ہوئیں ملک دی ترقی تے خوشحالی سانگے کم کیتے تانجو ایندے پھل ساریاں دے سامنڑیں آ گئے ہن ۔
