اسلام آباد (پاکستان نیوز پوائنٹ 04 اگست 2016ء) قومی اسمبلی دی قائمہ کمیٹی خزانہ دے چیئرمین قیصر احمد شیخ آکھے جو وزیر داخلہ سارک مالکاں دی وزارتی کانفرنس اچ مقبوضہ کشمیر اچ بھارتی جارحیت تے بربریت بارے پاکستان دا موقف پیش کیتے، بھارت کہیں وی طریقے نال مسئلہ کشمیر دے حل سانگے راضی کائنی تھیندا پیا۔ خمیس کوں پارلیمنٹ ہائوس دے باہرمیڈیا نال گالھ مہاڑ کریندے ہوئیں انہاں آکھیا جو سارک ملکاں دی کانفرنس اچ وفاقی وزیر داخلہ چوہدری نثار علی خان مقبوضہ کشمیر اچ ہتھوں خالی کشمیریاں تے بھارتی جارحیت تے بربریت بارے پاکستان دا موقف پیش کیتے۔
انہاں مقبوضہ کشمیر اچ بھارت دی ریاستی دہشت گردی بارے کانفرنس اچ تفصیلی موقف پیش کیتے اتے آکھے جو مقبوضہ کشمیر اچ بھارتی حکومت ولوں دہشت گردی دی نویں لہراچ 75 توں ودھ نینگر ، بالیں اتے تریمتیں کوں شہید کیتا گئے ، بھارت ست لکھ توں ودھ فوج مقبوضہ کشمیر اچ مظالم کیتے تعینات کیتی ہوئی ہے ۔ انہاں آکھیا جو بھارت مسئلہ کشمیر بارے میں نہ مناں آلی پالیسی تے ٹُر دا پئے جڈانجو پاکستان مسئلہ کشمیر دے پرامن حل کیتے عالمی سطح تے مسئلہ کشمیر کوں چاتا ہے ، ہنڑ ویلھہ آ گئے جو مسئلہ کمشیر کوں اقوام متحدہ دیاں قرار داداں دے مطابق حل کیتا ونجے ۔
