پاکستان بحرین کوں اپنڑاں نیڑے دا یار تے بااعتماد شراکت دار سمجھدا ہے ،وزیراعظم محمد نوازشریف دی بحرین دے وزیر صنعت، تجارت تے سیاحت زید آر الزیانی نال ملاقات اچ گالھ مہاڑ

پاکستان بحرین کوں اپنڑاں نیڑے دا یار تے بااعتماد شراکت دار سمجھدا ہے ،وزیراعظم محمد نوازشریف دی بحرین دے وزیر صنعت، تجارت تے سیاحت زید آر الزیانی نال ملاقات اچ گالھ مہاڑ

اسلام آباد (پاکستان نیوز پوائنٹ 29مارچ2017ء) وزیراعظم محمد نوازشریف آکھیا ہے جو پاکستان بحرین کو ں اپنڑاں نیڑے دا یار تے با اعتماد یار شراکت دار سمجھدا ہے ڈوہیں ملکاں وچال سانجھے تعلقات تاریخ ،ثقافتی رابطے تے عوامی سطح تے رابطے نال جڑیے ہوئے ہن ۔انہاں اے گالھ بحرین دے وزیر صنعت تجارت و سیاحت زید آر الزیانی نال بدھ کوں وزیراعظم آفس اچ گالھ مہاڑ کریندے ہوئیں آکھی جنہاں وفد دے نال انہاں نال ملاقات کیتی ۔

بحرین دا وفد شیخ حمد بن سلمان الخلیفہ بدر فرید ' عبدالرحمن عیسیٰ السعد ' سید ہشان الوائی سلمان الساکن اتے بحرین دے بئے حکام تے مشتمل ہئی۔وزیراعظم ڈوجھی پاک بحرین کاروباری موقع کانفرنس اچ بحرین دی فعال شرکت کوں چنگاں اکھیندے ہوئیں بحرینی وفد کوں پاکستان دے تجارتی تے سیاحتی شعبے اچ سرمایہ کاری موقع تلاش کرنڑ دی دعوت ڈتی۔انہاں آکھیا جو ڈوہیں ملکاں وچال اقتصادی میدان اچ تعاون نال برادرارنہ تعلقات مزید مستحکم تھیسن ۔

وزیراعظم محمد نواز شریف آکھیا جو بحرین اچ پاکستانی برادری ڈوہیں ملکاں وچال انسانی پل دا کردار ادا کریندی ہے تے ڈوہیں ملکاں دی ترقی تے خوشحالی اچ اہم کردار ادا کریندی ہے وزیراعظم شاہ حمد بن عیسیٰ الخلیفہ سانگے نیک تمناواں دا اظہار کیتا ۔بحرین دے وزیر تجارت شاہ حمد بن عیسیٰ الخلیفہ ولوں وزیراعظم سانگے نیک تمناواں پجیندے ہوئیں آکھیا ہے جو ڈوہیں ملکاں وچال اقتصادی رابطے کوں ودھاونڑ دے مینڈیٹ نا ل آئے ہیں۔۔ ملاقات اچ وزیر خزانہ اسحاق ڈار ' وزیر تجارت خرم دستگیر خان ' بحرین اچ پاکستان دے سفیر جاوید ملک اتے سینئر حکام موجودہن۔